՝՝Ազատութիւն՝՝ ձայնասփիւռի կայանը կը հաղորդէ, որ ՄԱԿ-ի նախկին դատաւոր, բրիտանացի փաստաբան,
Հայոց Ցեղասպանութեան միջազգային ճանաչման կողմնակից Ճեֆրի Ռոպըրթսըն դարձած է ՝՝Ուիքիլիքս
՝՝կայքէջի հիմնադիր Ճուլիըն Ասանժի փաստաբանը։ Ռոպըրթսըն Աւստրալիոյ մէջ իր արձակուրդը
ընդհատելով վերադարձած է Լոնտոն, պաշտպանելու համար շահերը ՝՝Ուիքիլիքս՝՝ի հիմնադիրին,
որ սեռական բնոյթի յանցագործութիւններով մեղադրուած է։ Ճեֆրի Ռոպըրթսըն երկար տարիներու
ընթացքին ուսումնասիրած եւ ապացոյցներ հաւաքած է Հայոց Ցեղասպանութեան մասին։ Բրիտանիոյ
հայ համայնքին խնդրանքով ան անցեալ տարի հրապարակած էր իր իրաւաբանական եզրակացութիւնը,
որուն մէջ կըսէ թէ ՝՝20-րդ դարու սկիզբը Օսմանեան կայսրութեան մէջ հայերու ոչնչացումը
Ցեղասպանութիւն է՝՝։